Haradinaj: Beteja e Kaçanikut ia fali 28 dëshmorë lirisë së Kosovës

21:07 | 9 Prill 2019
Arbresh.info

Kryeministri Ramush Haradinaj, sot ka përkujtuar të rënët në Betejën e Grykës Kaçanikut 20 vjet më parë.

Haradinaj përmes një postimi në facebook ka thënë se Kaçaniku, me Brigadën 162 “Agim Bajrami” ia fali 28 dëshmorë lirisë së Kosovës.

“Lirisë së Kosovës, kjo brigadë ia fali 28 dëshmorë, duke ia shkruar sërish historinë e lavdisë” , ka shkruar Haradinaj.

Postimi i plotë:

Kaçaniku, me Brigadën 162 “Agim Bajrami”, e lartësoi emrin e vet edhe njëherë në Luftën Çlirimtare. Lirisë së Kosovës, kjo brigadë ia fali 28 dëshmorë, duke ia shkruar sërish historinë e lavdisë.

Më 9 prill, 20-vjet më parë, Gryka e Kaçanikut jehonte gjatë luftimeve, nga këngët dhe pushkët e lirisë të bijave dhe bijve të tij më të devotshëm”.

Sot me respekt e krenari i kujtojmë dëshmorët e kësaj beteje. Lavdi e përjetshme!.